“Më e pakta që mund të bëjmë”, Pacolli dhuron 1 milion euro për rindërtimin e zonave të prekura nga tërmeti

Kryetari i partisë Aleanca Kosova e Re Behxhet Pacolli dhunon 1 milion euro për banorët e prekur nga tërmeti në vend.

Në një postim në Facebook, Pacolli shkruan se ka vendosur së bashku me familjen e tij të dhurojë 1 milion euro për rindërtimin e zonave të prekura. Pacolli thotë se kjo është më e pakta që ai dhe familja e tij mund të bëj për Shqipërinë.

Postimi i plotë:

Unë u trondita kur pashë dëmet në jetën e njeriut dhe në infrastrukturë që tërmeti shkatërrues po lë pas në Shqipëri.

Kjo kërkon solidaritet dhe mbështetje për të siguruar që qytetarët e prekur mund të kthehen shpejt në jetën normale.

Kemi vendosur së bashku me familjen time (ne djemtë e Isa dhe Ruhan Pacollit) që të dhurojmë #1milion Euro për rindërtimin e zonave të prekura nga tërmeti.

Ky donacion do të shkojë në funksion të rindërtimit dhe bashkë me Qeverinë e Shqipërisë do të menaxhohet në mënyrë transparente dhe të sigurt.

Kjo është më e pakta që unë dhe familja ime mund të bëjmë për Shqipërinë tonë të dashur.

Mbështetja ime për vëllazerit tonë do të jetë e vazhdueshme dhe shpresoj së shpejti ata të kthehen në normalitet.

Unë pres po ashtu që në menyrë të organizuar të pranoj edhe qindra familje këtu në Prishtinë.