Avokati Jordan Daci në një intervistë në FaxNews me gazetarin Sokol Dema, ka folur për betimin e Arta Vorpsit. Daci shprehet se Vorpsi u përdorë pa e kuptuar dhe se ka humbur besimin nga të gjithë.
Më tej, Daci foli për kallëzimin penal që Presidenti Ilir Meta do të bëj ndaj kreut të KED. Avokati tha se ky është kallëzimi më ekstrem që ka marrë ndonjëherë Prokuroria. Gjithashtu Daci tha se duhet të jetë të paktën 7 anëtarë, në mënyrë që të ndahen votat. Daci theksoi se Gjykata Kushtetuese do të jetë 100% funksonale kur të fillojë punë edhe Gjykata e Lartë.
“Arta Vorpsi me këtë veprim, që sdi as si mund ta vlerësojë. Shkoi bëri betim para një noteri, por ky betim nuk ka asnjë vlerë, dhe dërgimi i këtij akti në institucione, kërkonte të tregonte që ajo është përzgjedhur. Vorspi u përdor dhe pa e kuptuar, e dogjën përfundimsht. Vorpsi e humbi besimin nga të gjithë. Një njeri që shkel Kushtetutës pa ardhur akoma në detyrë, si mund të besojnë njerëzit se ajo do të zbatojë kushtetutën.”
Pyetje: Meta deklaroi në konferencën e sotme se do të bëj kallëzim penal për Dvoranin, a është bazuar presidenti në ngjarje të reale?
Jordan Daci: Uroj që prokuroria ta marrë seriozisht, ky është kallëzimi më ekstrem që ka marrë prokuroria ndonjëherë. Normalisht, rëndësia e kallzimit, do ta detyronte prokurorinë që ta marrë seriozisht. Cdo prokuror që do e marrë këtë çështje, duhet ta marrë seriozisht dhe të qartë. Kjo situatë tregon se në ç’situatë kemi shkuar.
Pyetje: Dje janë betuar 3 kandidatet, kur do të jetë gati kushtetuese?
Jordan Daci: Kërkohen 6 anëtar për të nisur mbledhjen. Unë mendoj se duhet të ketë të paktën 7 anëtarë që ndahen votat. Nëse do të kemi 6 anëtar, s’do të ketë mundësi ndarje të votash. Nëse Muci do të shkarkohet nga KPK do të ketë sërish një vend vakant. Gjykata Kushtetuese do të jetë 100% funksonale kur të fillojë punë edhe Gjykata e Lartë.
Pyetje: Presidenti Meta tha se ngërçi kushtetues bëhet i pazgjidhshëm, mund të çojë në shpërndarje të Parlamentit, si arrihet shpërndarja e Kuvendit?
Jordan Daci: Kuvendi shpërndahet me vendim të presidentit. Kuvendi shpërndahet në një rast të jashtëzakonshëm. Asnjë kushtetutë në botë nuk e shpjegon dot shpërndarjen e një kuvendi.
(K.H/Faxweb.al)
