Me ekskavator sipër rrënojave antike. Aktivistë të shoqatave civile dhanë dje lajmin se punimet do të ndërpriten deri në 16 shkurt, të njoftuar nga përfaqësues të qeverisë, për t’u marrë më pas një vendim, por nuk qenka e thënë.
”Në Durrës, askush nuk ka pezulluar punimet. Përkundrazi GERMOHET me histeri. Jo me pajisje Arkeologu, as me kazëm.. me ESKAVATOR KRIMINAL. Live. Pikërisht tani. Festoni 14 Shkurtin Dele.. se për kaq kemi ardhur mbi këtë tokë të bekuar.”, shkruan e indinjuar aktivistja Brizida Gjikondi.
Siç shihet nga kjo video në vendngjarje situata është alarmante dhe rreziku i dëmtimit të objekteve arkelogjike është i sigurtë.
Mbas reagimit qytetar, dje u tha se qeveria kishte pezulluar punimet e Velieres në Durrës dhe se deri më 16 shkurt gjithçka do të qëndronte e paprekur në zonën që është kthyer në objekt debati të ashpër. ”Veliera”, projekt i Bashkisë së Durrësit është në zonën e kategorisë së parë arkeologjike, në afërsi të torrës veneciane. Dje në komisionin parlamentar, iu kërkua shpjegim kryebashkiakut të Durrësit Vangjush Dako dhe ministres së Kulturës, Mirela Kumbaro. Sipas Dakos aktualisht po punohet në zonën që nuk ka prezencë të objekteve arkeologjike dhe gjithçka po monitorohet me kamera.(V.G/SHUPLAKA)
[ngg_images source=”galleries” container_ids=”1117″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
