Përplasje të forta mes IKMT-së dhe banorëve janë duke ndodhur në këto momente në qytetin e Vlorës, për shkak të prishjes të disa objekteve në zonën e Radhimës.
Banorët kanë dalë me fëmijët në krah përpara fadromave të IKMT-së, ndërsa pretendojnë se i kanë objektet me leje, dhe nuk iu është dhënë asnjë sqarim lidhur me projektin e Bashkisë.
Një prej banoreve u shpreh për gazetaren e Fax News Afrovita Hysaj se ajo do të qëndrojë përpara fadromave të IKMT-së, pasi kjo është e vetmja mundësi që ajo të ushqejë 4 fëmijët e saj.
“Po talleni me bukën tonë me fëmijët tanë, pse na trajtojnë si kafshë dhe nuk vjen asnjë njeri që të na sqarojë, nuk jemi as rrugeçër dhe as kriminela. Pse nuk na e sjellin projektin këtu që ta shohim, kemi nga 30 vite këtu”, shprehen banorët.
“E votuam Edi Ramën se thamë që do na rregullonte, ky vjen na vë fadromën tani”, shprehet i revoltuar një tjetër banor, që duket mjaft i zhgënjyer me Rilindjen.
Derimë tani nga aksioni i IKMT-së janë shembur disa plazhe, që kanë qenë me leje vjetore nga ana e Bashkisë, ndërsa ka pasur një tërheqje të përkohshme nga plani për të shembur banesat.
(E.K/Faxweb.al)
Discussion about this post