ME FOTO, viktima dhe autori i dyshuar i konfliktit te “Dinamo”, si u gjend i vetëm në mes të sherrit 22-vjeçari

Detaje të reja kanë dalë për vrasjen e me thikë që ndodhi në orët e vona të mbrëmjes së djeshme në zonën e stadiumit Dinamo në kryeqytet.

Gjithçka nisi për një kariukues telefoni dhe pas një goditje me thikë, Marv Mihali, vetëm 22 vjeç humbi jetën. Autori i dyshuar është identifikuar si Eugen Bitraj 24-vjeç, ndërkohë që në polici janë shoqëruar dhe tre persona të tjerë, që mendohet të kenë bashkëpunuar në krim.

Sipas asaj që kanë thënë qytetarë për JOQ.al sherri ka nisur për një karikues telefoni, ku Marvi kishte blerë një telefon nga Dejvi Bitraj dhe i kërkonte edhe karikuesin e tij dhe aty ka nisur përplasja që çoi në fundin fatal.

Dejvi Bitraj, 19-vjeç, ka shkuar me kushëririn e tij Eugen Bitraj dhe 2 tjerë për t’u ndeshur me Mihalin dhe sherri ka degraduar, teksa Marvi është sulmuar me thikë pikërisht nga Dejvi Bitraj.

Njoftimi i Policisë:

Më datë 31.07.2017, rreth orës 23.30 në rrugën ” Gjin Bue Shpata”, shtetasi M.M., 22 vjeç është konfliktuar për motive të dobëta me shtetasin Dejvi Bitraj, 19 vjeç.

Në ndihmë të shtetasit Dejvi Bitraj, ka ardhur kushëriri i tij shtetasi Eugen Bitraj, së bashku me shtetasit Kridens Alla dhe Marsel Alla.

Gjatë konfliktit shtetasi Eugen Bitraj ka nxjerrë thikën dhe ka goditur shtetasin M. M., i cili për pasojë ka gjetur vdekjen në spital.

Si rezultat i reagimit të shpejtë e profesionl të shërbimeve të policisë së Drejtorisë Vendore të Policisë Tiranë është bërë e mundur zbardhja në kohë reale e ngjarjes, kapja dhe shoqërimi i gjithë personave të përfshirë në konflikt.

Në përfundim të veprimeve të para hetimore është bërë arrestimi si autor i ngjarjes i shtetasit:

– Eugen Bitraj, 24 vjeç, banues në Tiranë. Si dhe janë arrestuar si bashkëpuntorë në krim shtetasit :

-Dejvi Bitraj,19 vjeç, banues në Tiranë.

– Kridens Alla,19 vjeç, banues Tiranë

– Marsel Alla, 23 vjeç, banues Tiranë.

Materialet u referuan në Prokurori, në ngarkim të shtetasve të mësipërm, për veprën penale të “Vrasjes me Dashje e kryer në bashkëpunim “ parashikuar nga nenet 76 dhe 25 e Kodit Penal. 

(E.K/SHUPLAKA)