Majlinda Bregu, e sapoemëruar në postin e Sekretares së Përgjithshme të Këshillit të Bashkëpunimit Rajonal ka treguar se ka marre nje telefonate per Kuvendin e PD, por nuk e ka kursyer ironine, teksa ka thene se ishte si ajo e tipit ‘me ka cu nana me la gojen”.
Deklaraten Bregu e beri teksa ishte e ftuar dje në studion e Mbrëmje në ABC Neës me Mirela Milorin. Ajo iu është përgjigjur zërave kundër këtij emërimi, duke thënë se nuk shqetësohet aspak nga komentet, sulmet apo thashethemet.
Pyetur nëse ka një ftesë nga PD-ja për Kuvendin Kombëtar, Bregu nuk e ka kursyer ironine, teksa ka folur për telefonatën që ka marrë.
“Kam marrë dje një telefonatë, pasdite nga ora 18:00 nga një vajzë e organizimit në PD, e cila mesa duket e kishte listën e gjatë për të ftuar dhe foli aq shpejt! Thashe ok, faleminderit e kaq. Edhe ftesat e dasmave nuk bëhen të tilla, janë më zyrtare.
Është fiks, më ka çu nana me la gojën, nuk di nëse mua më kanë ftuar për të qenë në lozhë me ambasadoren kineze a, po unë nuk pres ndonjë gjë serioze ditën e dielë, ashtu si nuk pres që nëse nuk ka analizë të gjendjes së PD, të humbjes më të madhe, të faktit se pse sot e kësaj dite ende nuk shton dot besuesit, është parti që të noterizojë atë si kryetar”, tha Bregu.
(E.K/FAXWEB.AL)
Discussion about this post