Deputeti i opozitës së re, Kujtim Gjuzi, ka rrëfyer për disa probleme familjare që ka patur kohët e fundit, për shkak se ka pranuar mandatin parlamentar.
Gjuzi tha se kunata e tij nuk e pranonte dot këtë vendim, sepse e quante tradhëti ndaj Sali Berishës dhe për këtë shkak, për pak sa u nda nga gruaja.
“Nuk e kam bërë divorcin. Ka një moment pressingu nga kunata por është qetësuar. Më tha kunata, ke tradhëtuar Sali Berishën, se janë nga Shkodra dhe janë super demokratë. Kunata nuk mund të ndajë një cift bashkëshortësh, sepse intimidon familjen. Nuk jam as vagabond, as rrugaç. Gruaja e ka bërë tentativën për divorc, por unë kam bërë kallëzim për kunatën sepse më ka ofenduar pa masë”, tha Gjuzi.
Më tej duke folur në emisionin të Paekspozuarit për momentin kur hyri në Kuvend, Gjuzi u shpreh se kaloi tension arterial.
“Në atë moment, më kaluan morrnica, tension arterial. Por, kur shoh Gramoz Rucin aty, unë e thashë që nuk e dua nga Gramoz Ruci mandatin, por nga zonja e parlamentit, sepse e konsideroj Ruçin, përgjegjës për vrasjet në Shkodër. Bulevardet janë skuqur që kur lindi Partia e Punës”, tha Gjuzi.
(E.K/FAXWEB.AL)
Discussion about this post