Një pikë karburanti në qytetin e Durrësit ka rënë pre e grabitjes gjatë natës. Ngjarja ka ndodhur në lagjen nr. 13 të qytetit, ku persona të paidentifkuar ende kanë kërcënuar rojen e karburantit duke grabitur 2.000 lekë të reja.
Me shkopa bejsbolli, ata kanë mundur të grabisin paratë që roja kishte në xhep. Po punohet për identifikimin e tyre.
Detaje të Policisë së Durrësit:
Më datë 10.03.2017, në lagjen Nr.13, Durrës, rreth orës 03:20, dy persona të paidentifikuar me kapuçin e xhupit të vendosur në kokë dhe nën kërcënimin e një shkopi bejsbolli kanë arritur t’ i marin me dhunë rojes së një karburanti shumën 2 000 lekë të reja, që i kishte me vete.
Me të marrë njoftim menjëherë në vendngjarje kanë shkuar Efektivet e Policisë, të cilët po punojnë për identifikimin e autorëve dhe kapjen e tyre.
(XH.A/SHUPLAKA)
