Gazetarja Anila Basha sqaron deklaratën për paratë, që bëri sot në emisionin “Dritare” të Rudina Xhungës, teksa po replikonte me kreun e opozitës Lulzim Basha.
Sipas gazetares së njohur, paratë e marra kanë të bëjnë me sponsorizimet që partitë politike bëjnë gjatë fushatës zgjedhore, në këtë rast Partia Demokratike.
“Për t’u bërë të qartë të gjithë kolegëve të portaleve: Në fushatën e zgjedhore të vitit 2013 si çdo forcë politike që paguan reklama edhe PD ka paguar reklama tek Newsbomb dhe kjo është e faturuar dhe kollaj e verifikueshme. Nuk më duket ndonjë shkelje. Fakti që Basha kërkon të intimidojë që merrni lekë majtas djathtas edhe përgjigja ime ishte e sinqertë që edhe PD ka paguar te Neësbomb reklamën zgjedhore. Po e përsëris në televizion këtë fakt meqë shoh që të gjitha portalet apo kolegët bëjnë sikur nuk dinë gjë për reklamat zgjedhore”, u shpreh gazetarja Basha.
Teksa po debatonte me kreun e opozitës Lulzim Basha, e ftuar në emisionin “Dritare”, në një moment gazetarja deklaroi: “Më keni dhënë para zoti Basha, nuk kompleksohem nga kjo.”
Kreu i opozitës dhe gazetarja, po debatonin lidhur me shpenzimet e çadrës. (D.D/Shuplaka)
