“Më këpute ba”, sot homazhet për kryekomisarin e njohur, Nikoll Vatnikajn

Vetëm një ditë më parë është ndarë nga jeta një ndër drejtuesit më të njohur të Policisë së Tiranës. Kryekomisari Nikoll Vatnikaj mësohet se ka pësuar një atak kardiak e nuk ka mundur t’ia dalë mbanë.

Ndarjen nga jeta të kryekomisarit e kanë përjetuar me dhimbje të madhe familjarët e tij, sidomos vajza, Desantila. 

“Kështu do të jemi përjetë, unë këtu, ti prej atje lart. Jam goca e Nikollës, me krenari, përjetë! Më këpute ba!”,  shkruan Desantila bashkangjitur fotografisë me babain e saj të ndjerë.

Sjellim në vëmendje që sot në orën 10-12, në Pallatin e Kongreseve do të kryhen homazhet e përcjelljes së kryekomisarit. (J.V/Shuplaka)