“Më këputen gjunjët nga emocionet”, Luan Rama-kryeministrit: Gjunjëkëputurit nuk i duhen Shqipërisë

Nënkryetari i LSI-së, Luan Rama ka ironizuar sot deklaratën e kryeministrit Rama ditën e inaugurimit të sheshit “Skëndërbej” se po i priteshin gjunjët nga emocionet.

Nga mitingu i LSI në Tiranë, Rama i drejtoi kreut të qeverisë një pyetje, nëse i këputeshin gjunjët nga njerëzit e varfër të Bregut të Lumit, nga ata në Bathore, apo ata nga Kombinati?

“‘Me këputen gjunjët kur shoh këtë shesh’ tha kryeministri ditën e inaugurimit të sheshit “Skëndërbej”. Në fakt duhet ti këputen gjunjët kur sheh Bregun e Lumit, kur sheh Bathoren, kur sheh Kombinatin. Por ai nuk i këputet shpirti nja njerëzit me gjunjë të këputur”, tha Luan Rama.

“Këta njerëz gjunjëkëputur nuk i duhen Shqipëris, asaj i duhet rinia”,-u shpreh Luan Rama.

Ai u shpreh se Fieri është bastion i LSI, dhe se nuk ka lidhje me Rilindjen pasi do korrë fitore. (M.D/Shuplaka)