“Me kërkesën tuaj…” Ilir Meta publikon spotin filmik edhe në anglisht për Ardian Dvoranin

Presidenti Ilir Meta ka publikuar në rrjetet sociale edhe në versionin anglisht spotin, përkrah të cilit shkruan se ftonte qytetarët ta ndiqnin si të parin në mbrojtje të Kushtetutës dhe integritetit të Gjykatës Kushtetuese.

Në spotin e mëposhtëm jepet shpjegimi se si zgjidhen anëtarët e Gjykatës Kushtetuese, si është përcaktuar në Kushtetutë ky proces dhe cili është roli dhe pozicioni që duhet të mbajnë palët.

Tregohet gjithashtu edhe se si u la jashtë procesit Avokati i Popullit duke akuzuar Dvoranin si protagonistin që ktheu gjithë procesin thjeshtë në emërime.

Më tej Presidenti e quan fiktiv emërimin e kandidatëve të Gjykatës Kushtetuese, duke cituar mosrespektimin e radhës Kushtetuesem nga ana e KED.

“Të dashur miq,
Me kërkesën tuaj po e publikoj dhe në anglisht spotin e parë në mbrojtje të Kushtetutës dhe integritetit të Gjykatës Kushtetuese.
Mbrojtja e Integritetit të Gjykatës Kushtetuese, DETYRË MBI DETYRAT!”, shkruan Meta përkrah spotit.