Artisti i njohur Endri Prifti ka humbur një shumë të konsiderueshme parash në baste sportive në vetëm 2 ditë.
Në një reagim të ashpër në llogarinë e tij personale në Instagram, këngëtari ka akuzuar fenomenin e veprimtarisë së paligjshme që sipas tij vijon në vend duke rrëfyer atë që i ka ndodhur.
“Para një jave, duke ditur adrenalinën time mbas koncerteve, një grup shokësh shkojmë në një lokal dhe aty kishte lojra fat, të cilat juve i ndaluat. Më morën për 2 ditë 15 milion kesh tek ky lokal në një zonë nga pazari i ri dhe nuk ju mjaftoi kjko por më futën në celular edhe 30 mijë euro baste sportive. Mi futën pikë në kompjuten dhe tani duan lektë kesh. Kjo është e paligjshme, e padrejtë kanë vite të tëra që merren me mua me të njëjtën mënyrë…”, shkruan Endri.
Artisti korçar shkon më tej me akuzat dhe denoncimin e tij duke treguar edhe një tjetër episod që i ka ndodhur artistit 6 muaj më parë kur i kanë hequr lejene drejtimit të mjetit 6 muaj më parë.
Duke i bërë thirrje Kryeministrit Rama dhe Presidentit Meta, Endri Prifti e mbyll këtë reagim të tijin publik me fjalët
“Ju lutem merrni masa për këto situata të turpshme në vendin tonë të bukur dhe në popullin tonë të pafajshëm”.
Discussion about this post