E nëse Kuvendi nisi sot punimet, padyshim që mendjet kureshtare bën pyetjen se a ndodhej në sallë ish-ministri Tahiri.
Ishte në sallë, ndryshe nga mungesa dje në mbledhjen e Grupit Parlamentar të PS-së. Mirëpo nga pamjet e publikuara shihet se fytyra e ka tradhëtuar mjaft.
Me kokën e mbështetur në karrige, dorën mendueshëm në buzë dhe në rreshtin e fundit të Kuvendit, kështu u shfaq ish-ministri dikur i suksesshëm i Ramës.
Nuk dihet nëse uljen në Kuvend e përcaktojnë vetë deputetët me zgjedhjen e tyre të lirë, po Tahirin kaq pas nuk jemi mësuar ta shohim. Ai jo vetëm mbeti jashtë qeverisë ‘’Rama 2” po duket se së fundi është braktisur dhe nga kolegët e tij socialistë.
E njëjta pamje e tij u shfaq dhe në mbledhjen e Asamblesë së PS-së, ku Tahiri ishte një nga të parët që braktisi mbledhjen, ndërsa është parë në shumicën e kohës vetëm.
Çfarë po ndodh me Tahirin, kaq shpejt i harroi Rama lëvdatat për të?!
(E.K/SHUPLAKA)
