Anëtari i kryesisë së PD-së Eno Bozdo ka reaguar pas deklaratës së kryeministrit Rama përpara mediave për eurobondin me vlerë 650 milionë euro.
Bozdo në postimin e tij në rrjetin social Facebook është shprehur se historia e Eurobondit i kujton një barsaletë.
“Kjo historia e Eurobondit të suksesshëm më kujton barsaletën me Bedriun, i cili dilte nga ndërrmarja çdo ditë me një karrocë ngarkuar me kashtë. Roja që dyshonte, e kontrollonte vazhdimisht mos kishte fshehur diçka në kashtë, por nuk gjente asgjë.Në fakt Bedriu vidhte çdo ditë nga një karrocë” shkruan anëtari i kryesisë së PD-së..
Bozdo shprehet gjithashtu se edhe Rama i kujton Bedriun.
“Rama, njësoj si Bedriu, mburret me interesat e Eurobondit, (që në fakt janë në mesataten e rajonit). Interesat janë “kashta”, se në të vërtetë Rama rriti borxhin publik me 400 milionë euro të reja!” përfundon postimin Eno Bozdo.
Por në këtë postim nuk kanë munguar as komentet, ku një nga komentuesit është shprehur se:
“Pse e quajne Eurobond?
Eurobond si titull obligacion, i emetuar nga Bashkimi Europian dhe i garantuar proporcionalisht sipas kontributeve te vendeve te BE, ka qene nje propozim ne 2011 nga ministri i finances italian te atehershem, por qe nuk eshte pranuar kurre sepse nuk u ra dakord; vendet e BE nuk donin pergjegjesi kolektive. Cfare kuptimi ka ta quash Eurobond Albania kur i vendi qe e garanton eshte i njejti qe e emeton?!”
Bozdo ju përgjigj duke i thënë se thjesht se denominohet në euro. Është konvencion.
“Por e drejtë ajo që thua ….vetëm se kështu quhet për konveniencë. Imagjino që Londra është sot qendra e lëshimit të E.” iu përgjigj Bozdo.
Një pyetje tjetër drejtuar nga komentuesi ishte nësë Bozod ishte në dijeni nga totali sa është për rifinancim të borxheve të vjetra dhe sa borxh i ri.
“250 rifinancim dhe 400 borxh” iu përgjigjë Bozdo.
