“OSBE është një organizatë legjitime… Më lini të qetë”, këto janë fjalët që ka thënë ambasadori i OSBE-së, Berndt Borchardt pas daljes nga selia blu ku ishte në një tryezë të gjerë të thirrur nga kryedemokrati Lulzim Basha.
Me sa duket Borchardt nuk e ka pritur mirë vendimin e presidentit Ilir Meta për ta shpallur ‘non-grata’ në institucionin që drejton, ndërsa ky është prononcimi i parë i ambasadorit pas vendimit të Metës.
Pavarësisht insistimit të gazetarëve, Borchardt nuk ka pranuar të jepte një opinion apo qëndrim të tij, ndërsa të njëjtën gjë ka bërë edhe Sekretari i Përgjithshëm i OSBE-së, Roberto Montela i cili ka preferuar të mos japë asnjë koment.
Në takimin e sotëm në selinë blu, ishin të pranishëm përfaqësues të OSBE-së, ekspertë të çështjeve zgjedhore si dhe krerët e partive opozitare në koalicion me Partinë demokratike.
Ndërsa diskutimet janë përqëndruar tek reforma zgjedhore por edhe ngërçi kushtetues me emërimet në Gjykatën Kushtetuese, pasojë e të cilit Ilir Meta pret nesër në orën 09:00 krerët e partive opozitare jashtëparlamentare në Presidencë.
(F.GJ/FAXWEB.AL)
Discussion about this post