Me maska dhe në krah të pastrueses, del fotoja e ‘Grupit të Zjarrit’ të Lulzim Bashës brenda Selisë së PD-së

Fax News ka arritur të sigurojë foton e të ashtëquajturit ‘Grupi i Zjarrit’ që qëndron në gatishmëri brenda Selisë blu për të ndërhyrë me urdhër të kryetarit Lulzim Basha.

Në foton e siguruar nga Fax News, shihen disa djem të rinj, të maskuar me shallë në fytyrë, dhe disa prej tyre të buzëqeshur. Ata janë brenda Selisë blu dhe kanë dalë në foto me sanitaren e PD-së.

Dyshimet janë se ky grup është i njëjti që në 25 prill u ‘pagëzua’ me emrin (Struktura Për Mbrojtjen e Votës), grup ky që shkatoi vrasjen e Pjerin Xhuvanit në mes të Elbasanit pas përplasjes me grupin e PS-së.

Për këtë krim, është dorëzuar vete në polici Arbër Papleka, një ish-efektiv i RENEA-s. Ndërkohë grupi shoqeroi Gazment Bardhin dhe figura të tjera të afërta me Bashën gjatë fushatës deri në zgjedhje për të mos lejuar eksponentët kriminale apo te tjerë nga radhët e PS-së të blinin vota.

Mesa duket, pas përplasjes me ish-Kryeministrin Sali Berisha, Lulzim Basha ka vendosur të thërrasë në ndihmë këtë strukturë ilegale me të cilën Basha synon të forocojë pozitat e tronditura në krye të Selisë blu, në një kohë kur Berisha ka thirrur një protestë në datë 8 janar.

Komisioni i Rithemelimit i dha kohë Lulzim Bashës deri në datë 5 janar të lironte vetë zyrën e kryetarit të Partisë Demokratike, pasi e shkarkoi në Kuvendin e 11 dhjetorit dhe më pas në referendumin e 18 dhjetorit.

Mirëpo Basha nuk i njeh këto vendime dhe ka marrë masa duke blinduar dyert dhe dritaret e selisë, si një masë kjo për t’i bërë ballë demokratëve që do të mblidhen në datë 8 janar me kërkesë të Berishës.

Rikujtojmë se grupi i Rithemelimit ka denoncuar dhe më pare prezencën e elementëve kriminale brenda Selisë blu, por kjo është mohuar kategorikisht nga Basha dhe njerëzit e tij të afërm. Kryeministri Rama nga ana tjetër ka deklaruar se nuk përfshihet në këtë ccështje të brendshme të PD-së.

Në vijim të denoncimeve të tij, Grupi i Rithemelimit ka vendosur të dërgojë foton e mëposhtme në polici dhe të bëjë një tjetër denoncim ndaj Lulzim Bashës, që sipas tyre po mbron karrigen e tij me ndihmën e kriminelëve.

(E.H/Faxweb.al)