Gjergj Çuni invalidi i cili u shoqërua forcërisht në Komisariat dje pasdite, pak para nisjes së takimit të kryeminsitrit Rama, u lirua mbrëmjen e djeshme.
Pak momente nga lirimi i tij janë filmuar nga vajza e Çunit, e cila menjëherë pasi u pikas nga policia nuk është lejuar të filmonte duke u shoqëruar jashtë nga ambjentet e policisë ku priste Çunin.
Në mesazhin e tij pas shoqërimit, Çuni thotë se u fut padrejtësisht në birucë, dhe se ai kishte dalë në lulishte për të pritur vajzën e tij që kthehej nga puna.
“Unë nuk e di se është e ndaluar që të qëndrosh në lulishte, më futën në burg këtu te biruca, dhe iu thashë që më kishin futur gabim. Më thanë që të kemi shigjetu, unë nuk kam sharë asnjë polic, të dalin dhe ti shohin. Iu thashë që kisha dalë për të marrë vajzën, isha në lulishte si të gjithë qytetarët, iu kallzoj ndërkombëtarëve që nuk është e drejtë me më fut mua në burg si invalid”, u shpreh Ccuni pas daljes nga komisariati.
Gjergj Cuni, i njohur si invalidi i protestave, pasi nuk ka munguar në asnjë nga protestat e fundit të opozitës është shoqëruar me forcë në polici pas sharjeve të vazhdueshme ndaj Edi Ramës.
Policia e ka marrë me forcë Cunin nga rruga duke e futur në automjet. Po ashtu një incident tjetër gjatë vizitës ne Shkodër ka ndodhur midis kryeministrit Rama dhe studentëve të cilët e kanë pritur me parrulla dhe brohoritjet ”Turp! Turp! Turp!” duke i kujtuar këtij të fundit “Paktin për Universitetin”. Ndërsa, kryeministri u është drejtuar me fjalët “Ca ke që bërtet. Prisni vetëm 45 ditë” duke u larguar prej tyre.
Discussion about this post