Nëse do të jetonte akoma Dr. Flori do të gëzonte sot ditëlindjen e 38-të. Largimi i tij i parakohshëm nga jeta preku jo pak zemrat e familjarëve, kolegëve po edhe të gjithë fansave.
Sot ditëlindjen e tij e gëzojnë dhe e vuajnë të gjithë, po sidomos ata që patën fatin ta njihnin nga afër.
Një prej atyre që e ka kujtuar në këtë ditë ishte dhe Ermal Mamaqi. Ai i ka “folur” Dr. Florit, mikut të tij të shtrenjtë që nuk jeton më.
Na ka emocionuar me një status të gjatë i cili tregon se për çfarë e kam marrë më shumë malli nga miku i tij, se si ka ndryshuar jeta pas ikjes së Florit, si po rriten dy fëmijët e artistit e se si bashkëshortja Blerina po vazhdon të jetojë njësoj, si atëherë kur ishte gjallë…
STATUSI I PLOTE I ERMAL MAMAQIT
Më mori malli Flor… Shumë pak e dinë sa humor kishe ti. Sa qeshnim. Kushedi sa muzikë do kishim bërë këto vite që mungon.
Më ka marr malli për porositë që bëje në lokal, kur ngatërroje banjon me kuzhinën. Kur merrje lypësit në makinë dhe i blije për të ngrënë. Kur qaje me këngët e Kishës. Kur e ndiqje Pastorin më shumë se çdo pjesëtar tjetër i Kishës.
Më ka marr malli për telefonatat e tua në 3 të natës dhe që pasi unë të pyesja çfarë ka ndodh që merr kaq vonë, ti ma ktheje me pyetje tjeter: – Pse sa është ora?
Më ka marr malli për videot idiote që bënim me Egin. Për koncertet, festivalet, studiot dhe kafet pa mbarim.
Sa plane mbetën përgjysmë. Sa këngë që nuk kam gjetur forcën t’i përfundoj.
Shtëpia me dru që do bënim në Dajt për fëmijët tanë.
Tashmë ti ke një nip që të ngjan më shumë ty se Albanit. I kanë vënë emrin tënd.
Kaltrina po jep shkëndijat e para që mund të eci në hapat e tua. Ndërsa Danieli bëhet çdo ditë e më i zgjuar. Dhe Blerina që vazhdon jeton me prindërit e tu, si të ishin të vetët, si atëherë… Ma do mëndja se po këndon atje lart. Ndoshta je ulur në prehërin e Zotit dhe po këndon.
Kushedi sa bukur do jetë… Më mori malli Flor…
