Një ngjarje e rëndë ndodhi në qytetin e Patosit dy ditë më parë, ku gardiani i burgjeve Martin Skëndaj, qëlloi me armë zjarri dy të rinjtë Elis Kapaj dhe Manol Rrapaj.
Përfilitet se ‘molla e sherrit‘ ishte motra e Martin Skëndaj, e cila ishte e dashuruar me Manol Rrapajn, por prindërit e vajzës ishin kundër dhe e kishin martuar të bijën Panahor të Ballshit.
Po ashtu shtëpia e Skëndajt dhe Rrapajt ishte në të njëjtën lagje, çka bënte që tensioni mes të dyja familjeve të ishte i pranishëm vazhdimisht. Përflitet se sapo prindërit e Martin Skëndajt mësuan se e bija donte komshiun Manol Rrapaj, ata e martuan.
Së fundmi është publikuar edhe fotoja e Martin Skëndajt, siguruar nga Faxweb.al. Vetëm disa ditë më parë dy familjet ishin zënë dhe babai i Skëndaj donte të vriste Rrapajn me sopatë, por ishte i biri Martin Skëndaj ai që e ndaloi duke njoftuar policinë. Në Patos përflitet edhe se Skëndaj i kishtë thënë Rrapajt shumë herë:
‘’Ti më ndave motrën nga burri.’’
Kujtojmë se një një banor që jetonte afër me dy familjet tha se motrën e Skëndajt e kishin gjetur në krevatin e Manol Rrapajt.
“Familjet që të dyja janë të mira, por fajtore u bë vajza. Ajo ishte e martuar, i vinte në krevat natën këtij çunit, ishte beqar (Manoli) ajo ishte e martuar. Mirëpo e gjeti e ëma e djalit atë botin, ja edhe tani ajo bërtet “kurvë, kurvë”, e gjeti në krevat, aty filloi sherri.
Lajmëruan policinë, edhe parmbrëmë u rrahën me sëpatë, edhe tani erdhën dhe morën të atin. Ai ruajti rastin dhe erdhi dhe e vrau, por që vrau edhe kushëririn që kishte ardhur nga Gjermania për ta takuar”, tha banori.
