Të tjera detaje zbulohen lidhur me ngjarjen e rëndë që ndodhi tre ditë më parë në Bathore, kur një i ri vrau babanë oficer dhe plagosi nënën e tij.
Sipas fqinjëve Mirald Metallari është penduar për krimin e kryer. Madje edhe ky i I fundit ka shfaqurt shenja pendese gjatë dëshmisë së tij në polici. Ai ka deklaruar se nuk donte ta vriste babanë.
Ndërkohë fqinjët shprehen se pasi kanë dëgjuar krismat në oborrin e shtëpisë së Miftar Metallarit, kanë parë Miraldin që kishte dalë në rrugë dhe kërkonte ndihmë. “Më ndihmoni ju lutem. Lajmëroni një ambulancë…”, thërriste ai pas krimit.
Kështu treguan dje fqinjët e familjes Metallari, të cilët po përgatiteshin për të marrë pjesë në ceremoninë mortore të mikut të tyre, efektivit të Policisë që mbeti i vrarë të hënën nga i biri.
“Është një fatkeqësi kjo që ka ndodhur. Janë një familje shumë e mirë. Miftari ishte një njeri që e respektonim të gjithë dhe që sillej mirë me të gjithë. Ishte një polic i ndershëm dhe që nuk i kishte rënë në qafë askujt. Por edhe i biri ishte shumë i urtë. Nuk arrijmë as sot ta besojmë atë që bëri”, shprehen fqinjët e familjes Metallari në Bathore të Tiranës.
Fqinjët tregojnë për policët se Miraldi ishte një djalë i qetë, që nuk kishte bërë debate e sherre asnjëherë më parë, me asnjë person. Mirëpo pas kthimit nga Anglia sjellja e tij kishte ndryshuar. Nuk ishte bërë agresiv, por ishte mbyllur akoma më shumë në vetvete. Të njëjtën gjë deklarojnë edhe miqtë e 21-vjeçarit. (D.D/Shuplaka)
Discussion about this post