Postin e Kryetarit të Kuvendit në Maqedoni, më në fund e ka fituar një shqiptar. Ai është Talat Xhaferri nga BDI.
Ai u zgjodh me votat e deputetëve të LSDM-së, Lëvizjes Besa dhe aleancës për Shqiptarët. Menjëherë pas votimit Xhaferri bëri betimin, mirëpo mediat maqedonase shkruajnë se e VMRO kanë bllokuar karrigen e kreut të Kuvendit si shenjë proteste.
Për më tepër, situata situata jashtë godinës së parlamentit paraqitet mjaft e tensionuar, kjo për shkak të protestuesve “Për Maqedoni të Bashkuar”, të cilët janë mbledhur për të protestuar. Policia maqedonase, bën me dije se të paktën 2 mijë protestues janë futur edhe në ambientet e Kuvendit.
Pak mbi Xhaferrin
Xhaferri, një drejtues i Ushtrisë Çlirimtare Kombëtare gjatë konfliktit të 2001-it në armatën e ish-Jugosllavisë, është i pari shqiptar që zgjidhet Kryetar Kuvendi.
Ai u lind më 15.04.1962 në fshatin Forinë të Gostivarit. Shkollimin fillor e kreu në Çegran, fshatin fqinj, ndërsa pas kësaj shkoi në Beograd, ku kreu gjimnazin ushtarak.
Pas kësaj vazhdoi karrierën e formësimit ushtarak, ashtu që u regjistrua dhe studjoi në Akademinë Ushtarake të Këmbësorisë të APJ – drejtimi këmbësori në Beograd dhe më pas Sarajevë. Karrierën e tij e ka vazhduar në disa kazerma ushtarake të asaj kohe të Armatës Popullore të Jugosllavisë, ku thuhet se ka qenë në Nish, Sarajevë, etj. Me pavarësimin e Maqedonisë, ai kthehet në vendlindje dhe inkuadrohetg në Armatën e Maqedon isë, duke qenë oficer i lartë dhe pas një periudhe zgjidhet komandant i njësiteve të këmbësorisë në kazermën e Tetovës. (D.D/Shuplaka)
Discussion about this post