20 ditë pas inaugurimit të presidentit të ri amerikan Donald Trump, më në fund kryeministri Edi Rama ka vendosur ta urojë atë zyrtarisht, nëpërmjet një letre.
Portali “Java News” ka bërë publike jo një por dy letra zyrtare, nëpërmjet të cilat Rama uron Trump dhe ministri Ditmir Bushati uron Sekretarin e Shtetit, Rex Tillerson.
Mesazhi mban datën 20 Janar 2017, ditën e betimit të Donald Trump dhe ceremonisë madhështore në Uashington.
“Është një rast i shkëlqyer për mua që në emër të Qeverisë shqiptare t’ju transmetoj mirënjohjen e thellë për mbështetjen e vazhdueshme të SHBA-ve ndaj Shqipërisë” shkruan Rama.
Pak muaj më parë, kryeministri Rama u shpreh totalisht kundër zgjedhjes së Donald Trump si president, dhe ishte një mbështetës i zjarrtë i Hillary Clinton, gjatë periudhës së fushatës zgjedhore.
Në një intervistë për CNN të disa muajve më parë, Rama tha: “zgjedhja e Trump do të jetë një kërcënim për Shtetet e Bashkuara”.
Por mesa duket, menjëherë pas fitores së Trump, Rama ka bërë një ndryshim 180 gradë, duke kthyer mbrapsht ato që ka thënë.
Në letrën e 20 janarit, Rama i shkruan Trump: “Unë besoj fort se nën lidershipin tuaj, partneriteti ynë strategjik do të konsolidohet e forcohet më tej, sidomos në fushën e sigurisë dhe atë të bashkëpunimit ekonomik.” (D.D/Shuplaka)
[ngg_images source=”galleries” container_ids=”1078″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post