Emiljano Shullazi, i akuzuar si kreu i një grupi kriminal për gjobëvënie, është shfaqur ditën e sotme përpara trupit gjykues. Pas shumë mungesash në sallën e gjyqit, ai është paraqitur sot në seancë, ku është shfaqur i qetë.
Por pavarësisht paraqitjes së tij, seanca gjyqësore është shtyrë për shkak të mungesës së një prej anëtarëve të trupit gjykues. Seanca ishte parashikuar të mbahej në orën 11:00 dhe është shtyrë për në orën 15:00.
Të pranishëm veç tij në seancë ishin dhe anëtarët e tjerë të akuzuar: ilmando Dani, Blerim Shullazi, Endrit Qyqja dhe Endrit Zela që akuzohen si bashkëpunëtor të tij.
Nuk është hera e parë që seanca shtyhet për shkak të mungesës së tij apo anëtarëve të trupit gjykues.
(XH.A/SHUPLAKA)
