Dy persona kanë rrëmbyer dhe e kanë mbajtur peng për disa orë në një lokal në kryeqytet, këngëtarin dhe instrumentistin e këngëve tallava.
Bëhet fjalë për këngëtarin Agron Kazanxhi, i cili menjëherë pas arrestimit ka bërë denoncimin në polici.
Forcat e policisë së komisariatit nr. 3, kanë arritur të arrestojnë njërin nga pengmarrësit.
Ai quhet Adrian Uka, është 36 vjeç dhe banues në rrugën e Durrësit në Tiranë.
Ndërkohë policia ka shpallur në kërkim 35 vjeçarin Elton Moriseni, me origjinë nga Elbasani, por banues në Xhafzotaj të Durrësit.
Të dy këta e rrëmbyen Kazanxhi mbrëmjen e 6 janarit, e kanë marrë me forcë në makinë dhe më pas i kanë kërkuar të këndojë dhe të luajë për tan ë një lokal nate në Laprakë. I detyruar, këngetari e ka pranuar kërkesën e tyre.
Pasi ka kënduar në lokalin e natës, Karanxhi ka kërkuar të largohet por edhe të marrë pagesën e merituar.
Por dy rrëmbyesit, jo vetëm që nuk pranuan t’i japin paratë por edhe kanë ushtruar dhunë ndaj tij.
Pas lirimit, Karanxhi kreu denoncimin.
Njëri nga agresorët, Adrian Uka u shpreh se e gjithe kjo ishte bërë ngaqë Karanxhi I kishte ngacmuar të dashurën.
Por ky i fundit e ka mohuar këtë. (D.D/Shuplaka)
