Policia kufitare ka ndaluar një 19-vjeçar nga Tirana, i cili ka tentuar të kalojë kufirin shqiptar nëpërmjet detit në mënyrë të paligjshme.
“Në materialet e referuara në Prokurorinë e Rrethit Gjyqësor Sarandë bëhet me dije se personi në fjalë është shtetasi I.K, vjeç 19, banues në Tiranë.”, thuhet në njoftimin e policisë.
Mësohet se i riu, ndërkohë që ndodhej në Ksamil, ka tentuar të kalojë kufirin shtetëror në mënyrë të paligjshme, me një kamerdare në drejtim të ishullit Korfuz.
Megjithatë, autoritetet kufitare e kanë ndaluar 19-vjeçarin, duke mos e lejuar të mbërrijë atje ku ishte nisur. (D.D/Shuplaka)
