Grabitja që është kryer para pak minutash në afërsi të Qafë Kasharit është shumë e ngjashme me një tjetër grabitje të ndodhur rreth një vit më parë. Mendohet se të dyja këto grabitje të jenë kryer nga e njëjta dorë.
Disa miliona euro u grabitën në 3 dhjetor të vitit 2015 nga autoblindi i “Rogat Security” i cili po transportonte para drejt Rinasit. Pas grabitjes e cila ka zgjatur 3 minuta në kryqëzimin e Laknasit në rrugën Tiranë-Rinas autorët janë larguar me 4 thasë me para, ndërsa kanë qëlluar me armë në ajër për të trembur rojet e “Rogat Security”.
Paratë ishin të një banka e niveli të dytë dhe po transferoheshin për jashtë vendit. Sipas policisë u grabitën 3.5 milionë euro. Ndërsa fillimisht u raportua për vjedhjen e vetëm 50 mijë euro.
Grabitësisht kishin dijeni të saktë për lëvizjen e shumës së parave. Veç monedhave, dyshohet se ka pasur edhe sasi ari. Dy automjetet e sigurisë private, një furgon i blinduar me targa TR 46 17 L dhe automjeti tjetër shoqërues po i kësaj shoqërie fizike me targa AA 169 DF, ishin duke udhëtuar në drejtim të Rinasit, kur iu ndërpre rruga nga një automjet tip fuoristradë me targa TR 8801E, në të cilin dyshohet se udhëtonin disa persona. Personat pasi janë larguar me automjetin e tyre tip Fuoristradë, e kanë braktisur atë në afërsi të City Park duke e djegur. (E.K/SHUPLAKA)
Discussion about this post