Banorët e Zharrëzës e kanë pritur sot kryeprokurorin Adriatik Lalla me pankarta në duar, ndërkohë që ai merrte pjesë në analizën vjetore të prokurorisë së Fierit. Në pankartat e tyre shkruhet: “Prokuror duam ndihmën tuaj” dhe “Prokuror duam drejtësi”.
Madje pas përfundimit të mbledhjes, Llalla ka pritur disa banorë të zonës, të cilët i kanë paraqitur atij ankesat e tyre dhe i kanë kërkuar t’u vijë në ndihmë.
Sipas mediave lokale, banorët janë shprehur se kryeprokurori u ka thënë se çështja e tyre është nën hetim, dhe ai do t’i shkojë deri në fund për t’i dhënë një zgjidhje.
Ndërkohë, në një deklaratë për mediat para pak orësh, Llalla tha se ka disa emra nën hetim, por nuk mund t’i bëjë publikë për momentin.
“Kemi fluks denoncimesh nga qytetarët e Fierit. Ky proces i rëndësishëm do të vazhdojë. Për momentin nuk mund të përmendin emra. Në përfundim të hetimit do të bëhen publike edhe emrat. Prokuroria e Përgjithshme ka struktura të posaçme për hetimin e rasteve. Kërkojnë bashkëpunim nga institucionet për të hetuar korrupsionin.”, tha Llalla pas takimit me qytetarët.
Banorët kërkojnë t’u realizohen gjithë premtimet e dhëna në datën 26, nga qeveria, pas dëmeve të shkaktuara nga kompania “Bankers”. (D.D/Shuplaka)
