Me pistoletë ”Mini Blow”, i riu ”shëtiste” rrugëve të Kavajës, arrestohet në flagrancë

Një i ri është ndaluar ditën e djeshme në Kavajë pasi mbante me vete një pistoletë. Mbi të rëndon akuza e ‘’Prodhimi dhe mbajtja e armëve luftarake dhe municionit’’.

Detajet e policisë:

Më datë 21.02.2017, Shërbimet e Komisariatit të Policisë Kavajë, kanë arrestuar në flagrancë shtetasin:

• Muharrem M., 18 vjeç, banues në Kavajë. Këtij shtetasi, gjatë kontrollit fizik të ushtruar në afërsi të ish fabrikës së qelqit në Kavajë, nga shërbimet e patrullës së përgjithshme, i është gjetur dhe sekuestruar në cilësinë e provës materiale:

– Një armë zjarri, pistoletë e tipit “Mini Blow”, me një krehër dhe një fishek. Materialet proceduriale i’u kaluan Prokurorisë pranë Gjykatës së Rrethit Gjyqësor Kavajë, për veprën penale “Prodhimi dhe mbajtia pa leje e armëve luftarake dhe municionit”, parashikuar nga Neni 278/3 i Kodit Penal. (E.K/SHUPLAKA)