Me pistoletë “Zastava” në ambjentet e gjimnazit, arrestohet 15-vjeçari

Një gjimnazist në Shkodër ka përfunduar në prangat e policisë pasi u kap me armë zjarri në oborrin e shkollës.

Blutë arrestuan shtetasin me iniciale R. N, 15 vjeç, banues në Shkodër, nxënës i klasës së 10-të.

“Arrestimi i tij u bë pasi u kap në flagrancë me një armë zjarri, tip pistoletë, e markës “Zastava”,  pa fishekë e cila u  sekuestrua në cilësinë e provës materiale dhe do ti nënshtrohet ekzaminimit të mëtejshëm”.

Materialet proceduriale iu referuan Prokurorisë Pranë Gjykatës së Shkallës së Parë  Shkodër për veprën penale të “Prodhim dhe mbajtje pa leje e armëve luftarake dhe e municionit”.

Nuk është rasti i parë që adoleshentët shfaqen në ambjentet e shkollave të armatosur, armë të nxehta apo të ftohta që pas çdo konflikti banal kanë rriskun të përdoren fatalisht. (E.K/SHUPLAKA)