Është identifikuar personi i cili plagosi dje në Laç të riun me inicialet L.R përpara Bashkisë. Ai është Marin Trokthi. Ngjarja ndodhi në një lokal shumë pranë Bashkisë së Laçit ndërkohë që nuk dihen shkaqet që çuan në nxjerrjen e armëve.
Autori i kësaj ngjarjeje Trokthi ka patur precedent të mëparshëm penalë dhe është larguar menjëherë nga vendngjarja pas plagosjes. Ndërkohë L.R është në Spitalin e Traumës jashtë rrezikut për jetën dhe nën kujdesin e mjekëve.
Trokthi është shpallur në kërkim nga autoritetet, po ende nuk ka një të dhënë për vendodhjen e tij të mundshme. (E.K/SHUPLAKA)
