Në Konventën Kombëtare të Lëvizjes Socialiste për Integrim, Ilir Meta u shpreh ndër të tjera se thënia e tij “Me qetësi dhe dashuri” ka qenë një thënie që i ka dalë nga shpirti. Ndaj ai iu kërkoi të gjithë atyreve që besojnë tek LSI, të gjithë shqiptarëve, që çdo gjë ta bëjnë me dashuri dhe qetësi, ndryshe nga sa bëjnë të tjerët me kokëfortësi.
“Ne jemi krenar që i kemi qendruar marrëveshjes. LSI ka vendosur kushtet e saj për të respektuar marrëveshjen dhe kushtin euroatlantik të shqipërisë. LSI do vazhdojë të jetë forcë e integrimit europian. Jam i lumtur që kam firmosur listën e Tiranës që drejtohet nga Klajda Gjosha. Jam i bindur se këto vajza të reja, këta djem të rinj që janë kthyer në vendin tonë janë garancia më e mirë për të udhëhequr Shqipërinë drejt BE-së.
Do duheshin ndoshta vite të tëra për të folur për sakrificat që ka ndeshur LSI. Jam i lumtur që ato i kthyem në vlera të tolerancës e bashkëpunimit. Ndaj edhe “Me qetësi dhe dashuri nuk më doli nga goja por më doli nga shpirti. Do iu lutesha dhe juve që çdo vendimmarrje ta bëni me dashuri për vendin, për fatkeqësi të tjerët i bëjnë me kokëfortësi. LSI duhet të jetë forca që mban fjalën edhe për të ardhmen. Kjo është shumë e rëndësishme për t’u dhënë krahë dhe besim qytetarëve tek politika.
Si president i ardhshëm do bëj gjithcka që t’i jap sa më shumë pushtet dialogut dhe demokracisë. Unë jam përpara dy sfidave të rëndësishme. Pavarësisht bindjeve të mia eurosocialiste duhet të tregoj se president do të bëj gjithçka pavarësisht bindjeve të mia politike.”, tha Meta.
(XH.A/SHUPLAKA)
