Një ditë më parë, u bë me dije arrestimi në Patos i një shtetasi 43-vjeçar që u akuzua se kishte ngacmuar seksualisht fqinjën e tij 13-vjeçare. Detaje të reja janë bërë me dije nga ngjarja e denoncuar nga prindërit e së miturës pasi vajza u tregoi gjithçka që kishte ndodhur.
“Më shiko, por mos i thuaj njeriu”, mësohet t’i ketë thënë I. Hoxha 13-vjeçares pasi kishte këmbëngulur të futej në shtëpinë e fqinjëve pavarësisht se prindërit e saj nuk ndodheshin aty.
Sipas dëshmisë që 13-vjeçarja ka dhënë në polici, ajo e ka qerasur 43- vjeçarin, por në këtë moment ai nisi të kryente veprime të turpshme ndaj saj. Pasi e ka prekur në pjesë intime të trupit, i ka kërkuar nëpërmjet kërcënimit që të shihte organin gjenital të tij. Më pas ai është larguar duke i kërkuar asaj të mos tregonte për atë që kishte ndodhur.
Ngjarja është kallëzuar nga prindërit e së miturës dhe pas kallëzimit është kryer arrestimi i të dyshuarit për veprën penale “vepra të turpshme me të mitura”. (XH.A/SHUPLAKA)
Discussion about this post