‘Më shumë kushte për Shqipërinë’, flet Kovaçev: Të çelen negociatat dhe të adresohen problemet

Andrey Kovacev zëvendës presidenti i grupit te PPE nga Pusteci i pyetur për shtimin e dy kërkesave të tjera për çeljen e negociatave të Shqipërisë:
Pozicioni ynë është mbështetës dhe ne mendojmë se hapja e negociatave duhet te nisin dhe ndërkohë duhet të adresohen problemet. Ne e mbështesim këtë rrugëtim dhe jemi pro nisjes së bisedimeve për anëtarësim.

I pyetur sa impakt do ketë kriza politike për çeljen e negociatave Kovaçev gjithashtu tha:

Ne nuk do të interpretojmë situatën politike por presim që negociatat te hapen.

Gjithashtu zv. presidenti i grupit të PPE nuk ka dashur të komentojë asnjë nga zhvillimet e brendshme politike të Shqipërisë dhe kur u pyet për deklaratën e presidentit që ndërkombëtarët po favorizojnë kapjen e drejtësisë.

“Unë nuk mund të komentoj diskutimet e politikës së brendshme dhe mendoj se kjo nuk është puna ime. Interesi i qytetarëve të Shqipërisë që partitë politike të bëjnë kompromise të brendshme dhe kjo është interesi i Shqipërisë që të hapen negociatat. Rëndësi ka që Shqipëria të përmbushë kushtet e vëna nga komisioni i Venecias dhe BE për lirinë e medias dhe gjithë pikat e tjera“, u shpreh ai.(B.S/Faxweb.al)