Ndryshe nga të gjitha të mërkurat e tjera këtë herë takimi mes kryeministrit Rama dhe Kreut të Kuvendit Meta është zhvendosur për mbasdite. Zakonisht të mërkurave ata janë parë të takohen herët në mëngjes në ambjentet e Vilës 30.
Padyshim që temat e diskutimit pritet të jenë të shumta, ku pritet të vendosen edhe fatet e koalicionit.
Një temë tjetër që pritet të diskutohet është edhe zgjedhja e Presidentit që duhet të ndodh brenda Prillit.
Dje në Kuvend u votua dhe anëtarët e mazhorancës përsa i përket komisioneve të Vettingut dhe ajo çka u pa ishte lënia jashtë koalicionit e PDIU-së dhe Shpëtim Idrizit.
Ditën e djeshme u përfol edhe për një mundësi që LSI-ja do të tërhiqte mandatet e Ministrave po kjo nuk ndodhi. Nuk dihet nëse të dy liderat do të zgjedhin të prononcohen për mediat apo si zakonisht për të mësuar se çfarë ka ndodhur në takim do të duhet të amendësohet.
Nga ana tjetër nesër pritet të mblidhet konferenca e Kryetarëve për të vendosur rreth datës së nisjes së procedurave parlamentare për zgjedhjen e Presidentit.
Takimi ka zgjatur rreth 80 minuta dhe në fund të tij as Rama as Meta nuk kanë folur asnjë fjalë për mediat. (E.K/SHUPLAKA)
