Gazetari Edi Oga, ka reaguar për rrahjen e ish-kryedaktores të “Zërit”, Arbana Xharra, e cila u rrah brutalisht pak pas kthimit të saj nga Tirana. Në reagimin e tij të shkurtër, ai tregon se u rrah një grua, një aktiviste, një femër, një nënë, por në Prishtinë duket se nuk konsiderohet problem për shkak se “e kanë rrahur të vetët”.
Gazetari ndalet dhe ngre pyetjen se çfarë do të ndodhte nëse Shqipëria dhe Kosova do të ishin një shtet i vetëm. “Në pak ditë do kishim dy lajme të këqija nga vendi për femrat; një kërcënim për vrasje të një zyrtareje europiane, dhe një rrahje për arsye profesionale.”, shprehet ai.
Reagimi i Edi Ogës:
“Sonte natën, kanë rrahur një grua e cila në Kosovë është personazh shumë i njohur! Gazetare, aktiviste, politikane… femër, grua, nënë…Turp dhe gjynah!
Pyes në Prishtinë dhe më thonë se e ka merituar, e kanë rrahur “të vetët”, se nuk është aq keq sa duket në foto!
Imagjinoni po të ishim një shtet i vetëm! Në pak ditë do kishim dy lajme të këqija nga vendi për femrat; një kërcënim për vrasje të një zyrtareje europiane, dhe një rrahje për arsye profesionale…kurse kësisoj, për të dy vendet tona respektivisht, njëri futet tek lajmet nga vendi, tjetri tek lajmet nga rajoni.”
(XH.A/SHUPLAKA)
Discussion about this post