Një familjar rrëfen kushtet e vështira të jetesës me të cilat i duhet të përballen atij dhe familjarëve të tjerë të familjes. Përmes armës të vetme, fjalës, ai ka treguar historinë e arrestimit të tij dhe daljen përpara gjykatës për shkak të mospagesës së dritave.
Në rrëfimin e tij të dhimbshëm të transmetuar nga “Nisma Thurje”, ai tregoi se si prokurori dhe gjyqtarja e dënuan fillimisht me 6 muaj burg dhe 18 muaj shlyerje të detyrimeve.
“Në këtë kohë i them prokurorit: “Përse gjashtë muaj? –“Po sa kërkon ti?, më tha. Gjashtë vjet i thashë unë. Unë kushtet më të mira i kam në burg se sa në shtëpi. Tre vakte ushqim i ke, një vakt e ke me mish. Se unë 10 vite i kam që nuk e njoh mishin fare, as të pulës, as të derrit, as të lopës. Jetojmë në mënyrë mizerabël… hyjmë me kokë nëpër kazanët e plehrave dhe çfarë kanë kafshuar qentë hamë ne. Do zihemi me qentë njëherë se thonë “është shtëpia jonë këtu.”, është shprehur qytetari.
(XH.A/SHUPLAKA)
