Pas vrasjes nga forcat RENEA të ekstremistit grek Kostantinos Katsifas, i cili qëlloi mbi policinë shqiptare, vijojnë të shfaqen akte të dhunshme dhe gjuha e urrejtjes në Greqi.
Sot disa nxënës të një gjimnazi në Kretë, kanë djegur sërish një flamur shqiptar, pas atij të djgur në sheshin “Sintagma” të Athinës.
Mediet greke raportojnë se nxënësit e gjimnazit hynë në ambientet e shkollës duke mbajtur në duar lart një flamur grek, ndërsa këndonin himnin kombëtar dhe dogjën një flamur shqiptar.
Gjuha e urrejtjes me thirrje antishqiptare dhe djegia e flamurit kanë bërë që një nxënëse shqiptare të humbte ndjenjat.
Kujtojmë se ky nuk është rasti i parë i djegies së flamurit pas vrasjes së Katsifas, ndërkohë që dje u dha një alarm për bombë në ambasadën shqiptare në Athinë, alarm ky që rezultoi fals.
Pas Vrasjes së Katsifas, tensionet mes dy shteteve tona janë rritur ndjeshëm, ndërkohë dje Ministria e Jashtme e Shqipërisë thirri sërish ambasadoren greke, ku kërkoi nga Greqia sigurinë e jetës së shqiptarëve atje dhe pronës së tyre, si dhe të distancoheshin dhe dënonin sjelljet e protestuesve.
(B.B/ Faxweb.al)
Discussion about this post