Një debat i fortë po zhvillohet në emisionin “Studio e Hapur” në lidhje me situatën e krimit në vend ku është i ftuar Flamur Noka nga PD dhe nga PS deputeti Ulsi Manja.
Ndërkohë që Noka ka shpërthyer në akuza të forta ndaj qeverisë dhe Edi Ramës duke e konsideruar si të lidhur me krimin dhe që sot krimi e ka kapur për fyti sepse me paratë e tyre ka ardhur në pushtet, në debat është përfshirë edhe gazetarja Klodiana Lala e cila tha se krimi është i lidhur me pushtetin si me PD-në ashtu dhe me PS-në.
Por kundër kësaj deklarate reagoi ashpër Noka i cili i tha se krimi ka ngjyrë mavi, Lala i’u përgjigj se krimi ka vetëm ngjyrë të zezë dhe ka mbështetje politike, ajo gjithashtu tha se krimi ka qenë i pranishëm edhe gjatë periudhës së PD-së.
“Krimi ka ngjyrë të zezë z. Noka, ka patur krim edhe kur ishit ju, krimi ka mbështetje politike”, tha Lala.
Por Noka i’u kthye ashpër duke i thënë se të kanë zënë pëlhurë sytë dhe ndoshta nuk shikon sepse krimi ka vetëm ngjyrë mavi.
“Po nuk të shkon ty se je gazetare investigative, duhet të bësh ndërhyrje se të kanë zënë sytë pëlhurë dhe nuk e shikon krimin”, tha Noka.
Pas kësaj Lala i’u kthye ashpër duke e pyetur se kë kishte çuarpara drejtësisë kur ishte ministër.
“Më thuaj një bandë që keni çuar para drejtësisë?”, pyeti Lala. Përgjigjia e Nokës ishte: “Kam çuar Emiliano Shullazin, e kam çuar para drejtësisë”, tha Noka. (B.H/Shuplaka)
