Në fshatin Poshnjë të Lushnjës është grabitur një karburant. 3 persona të armatosur kanë grabitur karburantin në pronësi të shtetasit A.M.
Janë vjedhur 270.000 lekë dhe nga ana e policisë janë sekuestruar kamerat e sigurisë. Në bazë të pretendimeve të punonjësit të karburantit shtetasit A.M. dyshohet se i kanë vjedhur rreth 270.000 lekë. Ai ka rrëfyer se grabitësit i kanë vendosur armën tek koka, duke i kërkuar urgjent paratë.
Janë kryer të gjitha veprimet e para hetimore si dhe janë sekuestruar dhe pamjet filmike pasi objekti survejohej nga kamerat e sigurisë. Vijon puna për identifikimin dhe kapjen e autorëve. (J.V/Shuplaka)
