Kryeministri Edi Rama, mbrëmjen e sotme ka qenë i ftuar për iftar në sofrën e shtruar në Myftininë e Tiranës.
Në këtë sofër, morën pjesë edhe shumë politikanë të tjerë, si kryebashkiaku Erion Veliaj, apo edhe kreu i PR-së Fatmir Mediu.
Megjithatë ajo që ra në sy, ishte veshja e kryeministrit që ndryshe nga të tjerët që ishin veshur në mënyrë formale, Rama u shfaq me bluzën e fushatës, me tuta dhe xhupin e bardhë.
Kryeministri edhe vetë e kuptoi se kjo nuk ishte veshja e duhur për t’u paraqitur në një sofër të tillë, ku politika nuk ka pse të përzihet me fenë dhe kërkon falje për këtë.
“Mirëmbrëma të dashur miq, ju falenderoj për ftesën për të qenë në këtë darkë iftari vëllazërisht dhe shpresoj që edhe veshjen time ta mirëkuptoni, si shprehje e dëshirës për qenë me ju dhe për të kap orën ku duhet të ishim këtu me patjetër. Dallimi fetar apo filozofik mbi përkatësinë e secilit prej nesh që e bën edhe më domethënës solidaritetin që promovon fundi i argjërimit dhe bashkimit të shumëpritur, eksperiancat e mia personale të këtyre sofrave ma kanë mësuar këtë dhe ma kanë bërë të dëshiruar praninë në këtë sofër.
Askush nuk është besimtar i vërtetë nëse më të mirën që kërkon përvete nuk përpiqet që ta përfitoje edhe si vëllai i tij.
Të jemi të përgjegjshëm dhe të paanshëm, të tjerëve si unë na bën edhe më të afërt, edhe më pranë jush edhe me ju. Mbetet një klishe e gabuar, ideja se myslimanët e nësnthruar janë bartës të nënshtrimit ndaj më të fortit, duke i shpëtuar nga arsyetimi, jo vetëem historia dëshmon kundër një qasjeje të tillë por edhe vetë profeti e përgënjeshtron.
Barra e përgjegjësisë individuale apo kolektive, është ekzigjencë, dhe në solidaritet, të gjithë kemi nevojë të udhëhiqemi prej arsyes dhe njerëzve të arsyeshëm. Nocioni shumë angazhues i gjegjësisë, që kërkon përkujdesje dhe përcjellje të pacënuar.”, tha Rama. (D.D/Shuplaka)
Discussion about this post