Një ngjarje e rëndë ka ndodhur në aeroportin e Malpensës në Milano pasi gjatë një arrestimi ka humbur jetën një 44-vjeçar shqiptar .
Ai ka pësuar atak kardiak teksa është arrestuar nga 5 policë italianë.
Sipas “La Repubblica”, Aldo Laçi, 44 vjeç është ndjekur për disa metra nga policët italianë dhe më pas është rreth nga 5 të tillë. Por në momentin që ata po e mbanin në tokë, ai ka pësuar një sulm në zemër, duke humbur jetën.
Shqiptari Laçi mësohet se ishte me pushime dhe po priste bashkëshorten kur është ndjekur nga policia. Por policia italiane ka pohuar se ai kishte pirë kokainë dhe ky ka qenë edhe shkaku që ai ka humbur jetën.
Por familja e Aldo Laçit me anë të avokatit të tyre Enzo Lepre kanë bërë denoncimin për vdekjen e të afërmit të tyre dhe fajësojnë policinë.
‘Vdekja e tij ka ardhur pikërisht si shkak i sulmit të bërë nga forcat e rendit që kanë marrë pjesë në ndalimi ne tij’, thuhet në padinë e bërë nga familja e Aldo Laçit.
Shikoni videon e mëposhtme për të parë edhe momentin e arrestimit të 44-vjeçarit. (J.V/Faxweb)
https://www.youtube.com/watch?v=1mf2CmVnIZo
