Shkrimi i presidentit serb Aleksander Vuçiç për Kosovën, i publikuar nga gazeta Blic disa ditë më parë, ka nxitur debate jo vetëm në Serbi, por edhe në botë.
Sipas “DW”, e përditshmja gjermane “Frankfurter Allgemeine Zeitung” i ka dedikuar një artikull çështjes, duke thënë se Vuçiç shkeli hijen e rëndë të historisë serbe dhe ajo që shkruan ai është si të thotë Erdogani, se pranon që ka pasur gjenocid osman ndaj armenëve.
Ai i kërkon bashkëkombasve të tij, që Kosova, e cila e shpalli pavarësinë me ndihmën amerikane dhe perëndimore është e humbur për Serbinë, pa futur këtu veriun me shumicë serbe. Ky qëndrim është i përhapur mes shumë serbëve…por liderë serbë nuk kanë guxuar deri më tani të përmendin me emër gjërat, nga frika e pakicës intelektuale nacionalistë, peshkopëve ortodoksë dhe demagogëve të tjerë.”
“FAZ” vëren se, nëse ka një politikan, i cili mund të kapërcejë këtë frikë është pikërisht Vuçiçi.
Media gjermane shkruan se Vuçiç ia doli me këtë të arrijë “dialogun e brendshëm” për Kosovën, në të cilën të thyhen tabutë e vjetra, sidomos mes intelektualëve dhe akademikëve. Megjithatë i “njëjti Vuçiç para pak ditësh ka theksuar, se do të bëjë gjithçka për të penguar pranimin e Kosovës në UNESCO. Për momentin provokimet e Vuçiçit ndaj shpirtit serb janë vetëm fjalë, por fjalë që deri më tani nuk janë dëgjuar kështu në Beograd, shkruan gazeta. (B.H/Shuplaka)
Discussion about this post