Misteri mbi trupin e pajetë të gjetur në brigjet italiane, po shtohet gjithnjë e më shumë. Media italiane “lecceprima.it“ shkruan sot duke iu referuar burimeve te hetimit, se trupi i pajetë mund të mos i përkasë avokatit shqiptar të zhdukur prej disa javësh.
Sipas mediave italiane, shpjegimi për këtë jepet në bazë të një proteze që është gjetur në këmbën e djathtë të trupit të pajetë, të cilën avokati Besnik Muço, në bazë të deklarimeve të familjes së tij nuk e ka pasur kurrë.
Për më tepër edhe dekompozimi i trupit bën të arrish në përfundimin se s’mund të jetë trupi i avokatit që tani në Shqipëri po hetohet për një rrëmbim të mundshëm.
Prokuroria e Tiranës po heton për rrëmbim të mundshëm, pas denoncimit të vëllait të te zhdukurit.
(M.Q/Faxweb)
Discussion about this post