Këngëtarja me origjinë shqiptare, Eleni Foureira ka qenë një nga personazhet më të komentuara ditën e djeshme në mediat greke dhe njëkohësisht më të sulmuarat, e kjo pas fotos që publikoi këngëtari shqiptar Eugent Bushpepaj, ku të dy bënë me dorë simbolin e shqiponjës.
Ky gjest nga ana e këngëtares u kritikua ashpër dhe shumë media shkruan se ishte një provokim nga ana e saj duke qenë se sipas tyre shqiponja simbolizon idenë që shqiptarët kanë për ‘Shqipërinë e Madhe’.
“Të gjithë e dimë që ky simbol që ka bërë Eleni me këngëtarin shqiptar përfaqëson idenë që shqiptarët kanë për “Shqipërinë e Madhe”, por me siguri Eleni nuk është në dijeni të një fakti të tillë ndaj e ka bërë atë veprim. Më duket se Eleni me këtë simbol tregon se nuk është nga Meksika” , komentoi me ironi, njëra prej gazetareve greke, shkruan Xing.al
Megjithatë për këto lajme dhe akuza që bënë bujë ka reaguar vetë këngëtarja e njohur nëpërmjet një postimi në Instastory, ku ka shkruar:”Muzika është për të bashkuar dhe jo për ndarë njerëz, e prandaj jam këtu, nuk kam asnjë lidhje me gjithë këto çështje nacionaliste që disa njerëz më kanë akuzuar. Unë e dua shumë Greqin dhe askush dhe asgjë nuk mund ta ndryshojë këtë gjë. Le të shkojmë tani dhe të përfaqësojmë Qipron në mënyrën më të mirë të mundshme.”
(M.Q/Faxweb)
