Sipas mediave greke mijëra vetë janë nisur nga Greqia për të qenë të pranishëm në ceremoninë mortore të Kostandinos Katsifas, i vrarë më 28 tetor nga policia shqiptare në Bularat pas shkëmbimit të zjarrit.
Siç shkruajnë mediat greke rreth dy mijë persona nga e gjithë Greqia pritet të marrin pjesë në ceremoninë mortore, ndërsa shpenzimet e funeralit do të mbulohen nga Bashkia e Dropullit
Gazetarje e ‘Fax News’ Ervina Shehaj raporton se Bashkia e Dropullit në një mbledhje jashtë radhe ka marrë vendimin për të paguar të gjitha shpenzimet financiare për ceremoninë e varrimit në Bularat të minoritarit grek Kostandinos Katsifa.Vendimi i baskisë është bërë i ditur nga nënkryetari i bashkisë Dropull, Mihal Mano. Sipas tij vendimi është marrë me motivacionin se familja është e varfër dhe ngjarja është e ndjeshme për komunitetin e minoritarëve në jug të Shqipërisë. Ceremonia e varrimit për Kostandino Kacifas do të bëhet nesër në orën 13:00.
Trupi i Katsifas u dërgua sot drejt Gjirokastrës pasi u tërhoq nga morgu i QSUT-së në Tiranë. Familja pritet të tërheqë trupin e pajetë në orën 17:00 të pasdites drejt banesës ku do t’i bëhen nderimet sipas traditës lokale.
Ndërkohë janë marrë masat mga autoritetet greke dhe shqiptare për mbarëvajtjen e ceremonisë.
Gazetarja e ‘Fax News’ raportoi gjithashtu sot se trupi i ektremistit grek Kostandinos Katsifas ndodhet në agjencinë e funeralit në Zervat.
Sipas saj Trupi i tij do do të përcillet me nderime dhe do të jetë i veshur me uniformë ushtarake.
(B.H/Faxweb)
Discussion about this post