Skemat e mashtimit në Tiranë nuk janë më sekret as për mediat ndërkombëtare. Në puntatën e sotme të emisionit “Striscia la Notizia” në “Canale 5” në Itali, është transmetuar një video e cila paraqet një histori mashtrimi nga kryeqyteti shqiptar.
Personazhi kryesor i videos, është një person i quajtur Shefki Hysa, i cili ka themeluar një organizatë mashtruese, madje hiqet edhe si pjesë e OKB-së.
Në videon në fjalë, Hysa deklaron se përmes një tarife prej 7,000 eurosh, organizata e tij të pajis me një kartë të veçantë, e cila sëbashku me pasaportën normale është e barabartë me një pasaportë diplomatike. Hysa kishte publikuar në rrjetet sociale fotografi me deputetë italianë, dhe ato i përdorte si formë reklame, për të treguar se ai ka një post të rëndësishëm.
Gazetarët italianë shtiren si persona të interesuar për të marrë pasaportën diplomatike, dhe kështu zbulojnë gjithë skemën e mashtrimit të shqiptarit. (D.D/Shuplaka)
