Takimi më i fundit i kryetarit të Kuvendit të Kosovës, Kadri Veseli, me Presidentin e SHBA-ve, Donald Trump, është cilësuar si një “shuplakë” për Serbinë sipas mediave kroate.
Kjo për shkak se Serbia priste me shpresë të madhe ndryshime në qasjen ndaj saj me ardhjen në pushtet të Donald Trump.
“Për shkak të kësaj fotografia mediat shkruajnë edhe për një shuplakë të Trumpit ndaj Serbisë”, është titulli i gazetës kroate “Vecernji”.
“Kosova është e bekuar pasi që e ka mbështetjen e SHBA-ve. Kam marrë konfirmimin që SHBA-të do të vazhdojnë përkrahjen për Kosovën”, citon “Vecernji” deklaratën e Veselit.
Kjo gazetë përmend edhe urimin e Trump për 9-vjetorin e pavarësisë së Kosovës. (XH.A/SHUPLAKA)
