Mediat maqedonase sulmojnë marrëveshjen e shqiptarëve, ja çfarë shkruajnë

Për herë të parë, partitë shqiptare në Maqedoni u bashkuan në një kauzë të përbashkët për të krijuar barazi etnike në vend.

BDI, Lëvizja Besa, Aleanca për Shqiptarët dhe PDSH, u ulën në një tavolinë për të hartuar një platformë të përbashkët.

Por mediave në gjuhën maqedonase nuk u ka pëlqyer aspak një gjë e tillë, madje e kanë sulmuar këtë lëvizje të partive shqiptare.

Portali “mkd.mk” ironizon këtë marrëveshje të shqiptarëve duke u treguar forcën e shumicës.

”Si është e mundur që 100-shja të jetë më e vogël se 20-shja?”, e nis shkrimin e tij ky portal duke aluduar në numrin e deputetëve shqiptarë (20) dhe maqedonas (100).

Më pas, i njëjti portal shkruan se qeveria e re do varet nga dëshira e 20 deputetëve.

“Qeveria e re do të varet nga dëshira e 20 deputetëve e jo nga shumica. Që të ketë jetëgjatësi kjo qeveri duhet të përmbushë kushtet si: dygjuhësia në të gjithë territorin e Maqedonisë, kryetari i Kuvendit të jetë në mesin e atyre 20 deputetëve dhe vendimet e rëndësishme për shtetin të sillen nga ata 20 deputetë”.

Ndërsa një media tjetër e vlerëson si sulm ndaj himnit, stemës dhe flamurit maqedonas këtë marrëveshje të shqiptarëve.

Megjithatë duhet pranuar se mediat ose reflektojnë ose ndikojnë edhe mendimin e qytetarëve.

 “Si arritëm deri këtu? Politikanët shqiptarë gjithmonë janë bashkuar kur është në pyetje interesi i shqiptarëve në Maqedoni? Të tanëve nuk ju ndien për neve!” shkruan një qytetar në “Tëitter”.

Për çdo rast do të ketë një palë të pakënaqur, por ajo që ka rëndësi për shqiptarët e Maqedonisë është fakti që më në fund bënë një hap përpara për çështjen e tyre. (D.D/Shuplaka)