Mediat ruse i kane bërë jehonë një interviste që kryeministri shqiptar Edi Rama ka bërë për prestigjozen britanike “The Telegraph”, ku i ka bërë thirrje SHBA-së “mos na lini të biem në duart e rusëve”.
Është agjensia e lajmeve ruse “Ruposters”, e cila risjell deklaraten e Ramës:
“Kryeministri i Shqipërisë, Edi Rama, tha se nese SHBA injoron rajonin e Ballkanit, mund të çojë në ndikim më të madh të Rusisë”, citon “The Telegraph” media ruse.
“Deklarata e kryeministrit vjen në mes të një krize politike, pak ditë pasi opozita ka bojkotuar parlamentin dhe kërkon të formojë një qeveri teknike. Vetë Rama thotë se ai është i gatshëm të japë dorëheqjen vetëm nëse vjen edhe një herë në krye të kabinetit, dhe akuzon opozitën për bllokimin e reformave. Zgjedhjet në Shqipëri do të mbahen më 18 qershor”, shkruan “Ruposters”.
Prej kohësh kryeministri Rama i ka bërë thirrje faktorit ndërkombëtar europian dhe amerikan që të bëjnë c’ është e mundur që Rusia mos të kthejë sytë nga Ballkani apo e anasjellta.
Rusia ka influencën e saj ekonomike në disa vende të Ballkanit. Në Mal të Zi dhe Maqedoni është folur kohët e fundit për një ndikim të madh të Moskës zyrtare përvec në Serbi ku Rusia ka marrëdhënie historike.
(M.D/ Shuplaka)
Discussion about this post